Афған ветерандары ла ҡушылды

Ирекмәндәргә ярҙамға афған ветерандары ла ҡушылды. Улар ирекле мобиль төркөмдәр төҙөү тураһында ҡарар иткән һәм 1 апрелдән эш башлаған. Әле ун һигеҙ район һәм туғыҙ ҡалала ошондай отрядтар ойошторолған. Ул генерал-майор, Рәсәй Геройы Миңлеғәле Шайморатов исемен йөрөтә.

Башҡортостан хәрби хәрәкәттәр ветерандары ойошмаһы етәксеһе Тимерйән Рәжәповтың белдереүенсә, улар ошондай ваҡытта ярҙамға мохтаж булған ололарҙы һәм башҡаларҙы ситтә ҡалдыра алмай.

Ирекле мобиль отрядтарға ҡушылырға теләүселәр 8-917-405-00-64 телефоны буйынса мөрәжәғәт итә ала.