Таҡтаташ астылар

Бөгөн Төркмән ауылының мәҙәниәт йортонда Башҡортостан Республикаһының атҡаҙанған мәҙәниәт хеҙмәткәре, райондың Батыр Вәлид исемендәге премия лауреаты, билдәле рассәм, шағир Миҙхәт Әсфәнднәр улы Байрамғоловҡа таҡтаташ асылды. Сарала район хакимиәте башлығы урынбаҫары Фәнил Нәҙерғолов, Моҡас ауылы биләмәһе башлығы Нияз Атанғолов, яугир ветерандарҙың Республика клиник госпитале анестезиология-реанимация бүлеге мөдире Фирғәт Байрамғолов, Баймаҡ районы һәм ҡалаһы буйынса дәүләт техник күҙәтеү инспекцияһы начальнигы Булат Байрамғолов, Башкортостан Республикаһынын атҡаҙанған артисы Зифа Баязитова һәм башҡалар ҡатнашты.

Сара һуңында халыҡ ижады үҙәге артистары төркмәндәргә концерт ҡуйҙы.