Матурлыҡ донъяһында

Иҫке Сибай ауылының мәҙәниәт йортондағы бейеү залының бер стенаһында ауыл тормошоноң үткән быуаттағы 1975 йылдағы бер көнлөк тарих һүрәтләнгән стенд бар. Һүрәттә "Сибай" совхозында эшләүселәр, бейеү түңәрәгенә йөрөүселәр, ауыл халҡы һынландырылған. Уны өс рәссам төшөргән. Шуларҙың икәүһе - Байрамғолов Азамат Һиҙиәт улы менән Данил Ҡаһарман улы Батыршин. Ә бына өсөнсөһө билдәһеҙ. Кем икән? Бәлки,  белеүселәр барҙыр?
Йылдар үтеү менән төҫө уңған һүрәткә Ришат Фитрат улы Хәмитов яңы һулыш биргән. Ул оҫта ҡулдары менән йән индергән.