Еңеү йәнә баймаҡтарҙа!

“Мин тормошто яратам!” республика фестивалендә Баймаҡ районының ижади коллективы Гран-при яуланы.
Илдәге пандемия хәл-торошто иҫәпкә алып, конкурс ситтән тороп уҙҙы. Фестивалдә ҡатнашыу өсөн республиканың 43 район һәм ҡалаһынан 300 видеояҙма килә. Баһалама ағзалары уларҙы ҡарағандан һуң Баймаҡ районының оло йәштәгеләренән торған ижади коллективтың сығышын иң яҡшыһы, тип баһалай.

“Мин яратам һине тормош!” фестиваленең Гала-концерты 1 октябрҙә – Ололар көнөндә Өфөлә уҙасаҡ.

Баймаҡтарҙы оло еңеүе менән ҡотлайбыҙ!