"Еҙ үксә" ансамбле лауреат исемен яуланы!

Ошо көндәрҙә уҙған "Башҡортостан таланттары" Vll Бөтә Рәсәй балалар һәм үҫмерҙәр ижады конурсында Баймаҡ балалар ижады үҙәгенең Буранбай ауылында Зарифа Аралбаева етәкселегендә эшләп килгән "Еҙ үксә" бейеүселәр ансамбле лә ҡатнашты. Шундай таланттарға бай төбәктә тыуып үҫкән ҡыҙҙар бейеүҙәре менән баһалама ағзаларын таң ҡалдырҙы. Һөҙөмтәлә "Еҙ үксә" ансамбле ll Дәрәжә лауреат исемен яуланы.

Шундай еңеүҙәре менән Зарифа Аралбаеваны һәм ансамбль ҡыҙҙарын ҡотлайбыҙ! Тағы ла ҙурыраҡ еңеүҙәр, уңыштар теләйбеҙ!