Премияға кемдәр лайыҡ булды?

Кисә Ҡолсора урта мәктәбендә "Һуңғы ҡыңғырау" тантанаһында барлыҡ ғүмерен мәғариф өлкәһен үҫтереүгә арнаған билдәле педагог һәм тәрбиәсе Зәйтүнә Әхмәткәрим ҡыҙы Йәғәфәрова-Мөхәмәтшина исемендәге премияға лайыҡ булған уҡыусылар тәбрикләнде.Йыл һайын тапшырылып барған был премия математика, башҡорт теле һәм спорт өлкәләрендә иң яҡшы һөҙөмтәгә ирешеүселәргә бирелә.

Быйыл был бүләккә 11-се кластан Илүзә Йәнтүрина, 10-сы кластан Айгүзәл Миҙәтғәлина һәм 9-сы кластан Инйәр Миҙәтғәлин лайыҡ булды.

Премияны педагогтың улы, Ҡолсора урта мәктәбе уҡытыусыһы Илшат Мөхәмәтшин тапшырҙы.