Ойоштороусылар киләсәктә 2021 йылдың аҙағына тиклем бөтә Рәсәйҙән меңдән ашыу кеше мәшғүллек нигеҙҙәренә әҙерләү программаһын уҙғарырға ниәтләй.
Пилот ойошмалары сифатында Өфө яғыулыҡ-энергетика колледжы һәм Стәрлетамаҡ күп профилле һөнәри колледжы билдәләнгән.
Тьюторҙар өлкән курс студенттары һәм сығарылыш уҡыусылары менән эшләйәсәк, "Интернет-маркетинг", "Реклама" һәм "фотограф" компетенциялары буйынса үҙ мәшғүллек нигеҙҙәрен ҡараясаҡ. Пилот проекты һөҙөмтәләре буйынса йәштәр хеҙмәт баҙарында үҙ күнекмәләрен нисек ҡулланыу һәм реаль килем алыу тураһында белем аласаҡ.
"Күп кенә 3-4 курсстуденттары үҙ аллы эшләй башлай, әммә, ҡыҙғанысҡа ҡаршы, уларҙың күбеһе аласаҡ һөнәре буйынса эшләмәйҙәр. Был проект быны төҙәтергә мөмкинлек бирәсәк. Шуға күрә проект тураһында реклама сыҡҡас, көн дауамында төркөм тулып та өлгөрҙө. Уларҙың күптәре, курсҡа килмәҫ борон үҙмәшғүллектең өҫтөнлөгөн аңлап та етмәйҙәр ине. Беренсе дәрестән һуң һәр ҡайһыһы курсты тамамлау менән үҙ эшен башларға ҡарар итте. Рекламаға ихтыяжлыҡ йылдан йыл арта бара. Был өлкәлә йүнәлештәр ҙә арта бара. Мәҫәлән, SMM-щик йәки копирайтинг. Был проектты урта һөнәри белем биреү һәм юғары уҡыу йорттары системаһында үҫтерергә кәрәк тип уйлайым ", - тип һөйләне проекттың тьюторы Хәертдинов Рафаэль Рәмил улы.
Сығанаҡ: https://srk.nationalpriority.ru/press_releases/162350