Алтынай - "Лукоморье" еңеүсеһе!

Форумда әйтеп кителде: башҡорт телен һаҡлайыҡ тиһәк, ул телдә уҡыусыны һәм яҙыусыны хәстәрләү кәрәк! Уҡытыусылар, уҡытыусы-яҙыусылар елкәһендә был тәңгәлдә ғәйәт ҙур йөк һалынған. Ошо "Лукоморье" әкиәт яҙышыусы балалар конкурсын башҡорт телендә алып барыусы куратор Лилиә Һаҡмар ҙур эш эшләне. Ҡыш буйы уҡыуҙар алып барҙы, жюри ағзаһы булды. Хатта балаларҙың әкиәттәренән китап сығарылды!
Минең уҡыусым Алтынай әкиәт яҙыу конкурсында 1-се урын алған икән, Дипломды күрмәйенсә, белмәнем дә! Китапты уның әкиәте аса!
"Лукоморье"ны ойоштороусы Лилиә Ҡәйеповаға ла, Алтынайға ла уңыштар теләйем!

Земфира Аҡбутина.