Беҙҙең Алһыу афарин!

Республика халыҡ ижады үҙәгенең башҡорт теле көнөнә ҡарата балалар араһында ойошторолған “Башҡортса тиҙәйткестәр” онлайн конкурсына йомғаҡ яһалды. Унда йәмғеһе 806 бала ҡатнашып, шуларҙың тик унауһы ғына финалға сыҡҡайны. Беҙҙең “Сулпылар” балалар баҡсаһы тәрбиәләнеүсеһе Алһыу Рафиҡова (тәрбиәсеһе Айгөл Рафаэль ҡыҙы Батталова) конкурста икенсе урын яуланы! Уға 2000 һум күләмендә аҡсалата сертификат тапшырылды. Афарин, Алһыу! Һине тәүге ҙур еңеүең менән ҡотлайбыҙ! Атай-әсәйеңде, туғандарыңды һәм ауылдаштарыңды ана шулай гел генә ҡыуандырып торорға насип булһын! Уңыштар һиңә!

Мотал Рәмов.