Бөтә яңылыҡтар
Мәғариф
19 Октябрь 2020, 17:38

Сулпыларҙа ҡунаҡта - янғын һүндереүселәр

Ни өсөн шырпы менән уйнарға ярамай?

Иҫке Сибай ауылының “Сулпылар” балалар баҡсаһы тәрбиәләнеүселәренә “ҡунаҡҡа” янғын-ҡотҡарыу станцияһы хеҙмәткәрҙәре килде. Был осрашыу осрашыу осраҡлы түгел ине. Балаларҙың шырпы менән уйнауы, һаҡһыҙлыҡ күрһәтеүе арҡаһында янғын сыҡҡан осраҡтар юҡ түгел. Янғын һүндереүселәр үҙҙәренең һөнәрҙәре хаҡында һөйләне, нисек итеп утҡа ҡаршы көрәш алып барыуҙары хаҡында бәйән иттеләр. Балалар янғын һүндереү машинаһында ултырып ҡаранылар, үҙҙәрен ҡыҙыҡһындырған күп һорауҙарға яуап алдылар. Ҡунаҡтар балалар менән ни өсөн шырпы менән уйнарға ярамай, ут сыға ҡалһа үҙеңде нисек тоторға, тәүҙә кемгә мөрәжәғәт итергә кәрәклеге хаҡында ҡыҙыҡлы әңгәмә алып барҙы. Осрашыуҙан балалар бик ҡәнәғәт ҡалды.
Венера Исмәғилова,
Айгөл Батталова.