Көҙгө каникул ҡасан башлана?

2020/2021 уҡыу йылы уҡыусылар өсөн ғәҙәти булмаған шарттарҙа башланды. Илдәге көсөргәнешлелек дауам итеүенә ҡарамаҫтан белем биреү мәктәптәрҙә алып барыла, хәл контролдә тотола, хәүефһеҙлек саралары даими күҙәтеүгә алынған. Ләкин уҡыусыларҙың көҙгө каникулын бер аҙ ваҡытҡа иртәрәк башлау тураһында ҡарар ҡабул ителгән. Бөгөн республика хөкүмәтендә оператив кәңәшмәһендә Башҡортостан Республикаһының Мәғариф һәм фән министры Айбулат Хажин ошо хаҡта белдерҙе. Көҙнө каникул 17 октябрҙән 4 ноябргә тиклем дауам итәсәк.