Йәйге каникул башлана

Пандемия осорона бәйле, тотош Рәсәйҙә уҡыу системаһы ла үҙгәреш кисерҙе. Уҡыу йылының дүртенсе сирегендә башланған дистанцион белем биреү ҙә иһә аҙағына яҡынлаша. Башланғыс класс уҡыусылары өсөн 2019/2020 уҡыу йылы ошо аҙнала тамамланасаҡ. Башҡортостан Республикаһының Мәғариф һәм фән министры Айбулат Хажин ошо хаҡта белдерҙе.

Ә бына 9-сы класс уҡыусылары быйыл дәүләт имтихандарын тапшырмаясаҡ. 11-се класс уҡыусылары иһә аттестация үтәсәк.

Бөтә республикала һуңғы ҡыңғырау онлайн режимда уҙасаҡ.