Иң яҡшы уҡытыусылар билдәләнәсәк

Башҡортостанда иң яҡшы 50 башҡорт һәм рус теле уҡытыусыһына 50 мең һум премия тапшырыласаҡ.

Дөйөм белем биреү һәм дәүләт һөнәри белем биреү ойошмаларының иң яҡшы башҡорт һәм рус теле уҡытыусылары араһында аҡсалата премияға дәғүә итеүгә республика конкурсы уҙғарыла. Мәғариф министрлығының матбуғат хеҙмәтенән хәбәр итеүҙәренсә, конкурс йомғаҡтары буйынса иң яҡшы 50 башҡорт һәм рус теле уҡытыусыһына Башҡортостан Республикаһы мәғарифы үҫешенә мөһим өлөш индергән һәм һөҙөмтәле һөнәри эшмәкәрлеге өсөн 50 мең һум күләмендә премия тапшырыла. Конкурста ҡатнашыу өсөн документтарҙы 25 майға тиклем Башҡортостан Республикаһы Мәғарифты үҫтереү институтының электрон адрестарына ебәрергә кәрәк.