9-ҙар имтихан бирмәйәсәк, ә 11-селәр?

Рәсәйҙә туғыҙынсы кластар өсөн йомғаҡлау имтихандары булмай, Берҙәм дәүләт имтиханы билдәһеҙ ваҡытҡа күсерелә.

Рәсәй Мәғариф министрлығы туғыҙынсы класс уҡыусылары өсөн рус теленән һәм математиканан йомғаҡлау имтихандарын үткәрмәй, тип хәбәр итә ведомствоның матбуғат хеҙмәте. Йомғаҡлау билдәләре йыллыҡ баһалар нигеҙендә ҡуйыла. Мәктәп тамамлаусылар өсөн Берҙәм дәүләт имтихандары датаһы йәнә 8 июндән билдәһеҙ ваҡытҡа күсерелде.

Юғары уҡыу йортона инергә йыйынмаған сығарылыш класс уҡыусылары БДИ-нан баш тарта ала, уларға йыллыҡ өлгәш билдәләре ҡуйылған аттестат тапшырыласаҡ.