Мәктәп төҙөлә башлаясаҡ

Ниһайәт, Иҫке Сибай ауылында май айында яңы мәктәп төҙөлә башлаясаҡ.

Бөгөн талап ителгән барлыҡ документ эштәре тамамланған: буласаҡ мәктәптең проекты әҙер, экспертиза үткән. Яңы белем усағын төҙөү өсөн иғлан ителгән аукционда Өфө ҡалаһының "Империя" яуалылығы сикләнгән йәмғиәт еңеп сыҡҡан.

375 балаға иҫәпләнгән был мәктәп республика адреслы инвестиция программаһы тарафынан сафҡа инәсәк, уның өсөн 363,548 млн. һум аҡса бүленәсәк.

Яңы мәктәп 2021 йылдың аҙағында файҙаланыуға тапшырыласаҡ.