Беҙҙә яңы мәктәп төҙөләсәк!

Иҫке Сибай ауылындағы мәктәп, авария хәлендә булғанлыҡтан, ҙур хәүеф тыуҙырған ине. Һөҙөмтәлә уны ябырға ҡарар ителде. Бөгөн уҡыусылар Сибай ҡалаһына йөрөп белем ала. Иҫке Сибайҙа яңы мәктәп төҙөү буйынса ҡарар ҡабул ителгән. Әле уның һуңғы документ эштәрен тәртипкә килтереү буйынса эштәр алып барыла. Мәктәп 375 уҡыусыға иҫәпләнгән. Уның төҙөлөшө өсөн 300 миллион һум бүленә. Әле тендер иғлан ителгән.

Яңы мәктәп 2021 йылдың сентябрендә файҙаланыуға тапшырылырға тейеш. Ғөмүмән алғанда, ике йылда республикала 24 балалар баҡсаһы, 12 мәктәп төҙөләсәк.