Бөтә яңылыҡтар
Мәғариф
5 Апрель 2020, 12:20

Иртәгә уҡыуҙар башлана

Һеҙ әҙерме? Һуңлап ҡалмағыҙ! #национальныепроекты

Шулай итеп бөгөн каникулдың һуңғы көнө. Иртәгә уҡыуҙар башлана. Дөрөҫ, әлегә дистанцион аша белем алыуға күсәбеҙ.
БР-ҙың мәғариф һәм фән министры урынбаҫары Илдар Мәүлетбирҙиндың белдереүенсә, ул өс форматта алып барыласаҡ. Тәүгеһе – онлайн-режимда, икенсеһе – планшеттар, телефондар ярҙамында, ә ҡайҙа интернет селтәре юҡ, унда белем биреү процесын дежур уҡытыусылар ойошторасаҡ.
Ғаиләлә ике-өс һәм унан күберәк уҡыусы булғанда, хәлдең бер ни тиклем ҡатмарлашыуын иҫтә тотоп, уҡытыусы айырым расписание төҙөйәсәк. Ата-әсәһе эшкә йөрөгән башланғыс класс уҡыусылары өсөн мәктәптәрҙә дежур төркөмдәр ойошторола.
Шулай итеп иртәгә сәғәт 10-да беренсе дәрес башланасаҡ. Һуңлап ҡалмағыҙ!
Читайте нас в