Учи. ру порталында 5 миллион уҡыусы теркәлгән

Илдә килеп тыуған хәл уңайынан һанлы белем биреү платформалары киң популярлыҡ яулай бара.

Мәҫәлән, бер аҙна эсендә Учи.ру порталы менән ҡулланыусылар һаны 5 миллионға еткән, ә көн һайын 1 миллиондан ашыу уҡыусы әүҙем шөғөлләнә. Ә «Мобильное электронное образование» сайты менән 650 меңдән ашыу кеше файҙалана башлаған. Әле унда 1 миллион 500 ҡулланыусы теркәлгән.

Стратегик башланғыстар агентлығының генераль директоры Светлана Чупшева һүҙҙәренсә, агентлыҡ 2013 йылдан алып һанлы белем биреү платформаларына төрлө кимәлдә үҫешергә ярҙам итә.

– Үҙебеҙҙең масштаблы шәхсән проекттарыбыҙҙы тормошҡа ашырыуҙа ла уларҙы эшләтә башланыҡ. Мәҫәлән, «Мобильное электронное образование» платформаһы «Һанлы иҡтисад» проектының «Төбәктәр өсөн киләсәк кадрҙары» программаһының базаһына әйләнде, – тип билдәләне ул.