"Йыл уҡытыусыһы-2020" конкурсы йомғаҡлауға табан бара

Кисә, йәғни 15 мартта Башҡортостан Республикаһының мәғарифты үҫтереү институтында "Мәғариф проекты" конкурс һынауҙары тамамланғандан һуң, "Йыл уҡытыусыһы-2020" конкурсының беренсе һәм икенсе, ситтән тороп ҡатнашыу турҙарының һөҙөмтәләре билдәле булды.

"Интернет-ресурс", "Педагогия кейсы", "Дәрестәр" һәм "Дәрестән тыш саралар", "Оҫталыҡ дәрестәре", "Мәғариф проекты" конкурс эштәре буйынса иң яҡшы бишәү исемлегендә ҡалабыҙҙың 2-се мәктәбе уҡытыусыһы Гүзәл Фәйзуллина ла булыуы һөйөндөрҙө.