Рәми Ғариповтың 90 йәшен билдәләйәсәкбеҙ

Башҡортостандың халыҡ шағиры, йәмәғәт һәм сәйәсәт эшмәкәре Рәми Ғариповтың 90 йәшен билдәләйәсәкбеҙ. Республика Башлығы Радий Хәбиров байрам сараларын уҙғарыу тураһындағы махсус Указға ҡул ҡуйҙы.

Мөһим документҡа ярашлы, республикала ойоштороу комитеты булдырылды. Уны республика Хөкүмәтенең Премьер-министры урынбаҫары Фәнүр Йәғәфәров етәкләйәсәк. Документта төрлө саралар планы һәм уларҙы уҙғарыу өсөн республика бюджетынан сығымдар ҡаралған.

Рәми Ғариповтың исеме халыҡ хәтерендә мәңге һаҡланасаҡ.