Буласаҡ һалдаттар йыйыны

Хәрби-ялан йыйынына был юлы өс йөҙ самаһы буласаҡ һалдаттар йыйылды. Үҙенсәлекле сараны асыу тантанаһында район хакимиәте башлығы вазифаһын башҡарыусы Фәнис Әминев егеттәргә тормоштарында осраған һәр һынауҙы лайыҡлы күтәрергә һәм үткәрергә, физик һәм рухи яҡтан ныҡ булырға, Ватан һаҡсыһы исеменә тап төшөрмәҫкә өндәне. Баймаҡ егеттәрен был йәһәттән тик яҡшы яҡтан билдәләргә кәрәк. Сөнки улар хеҙмәт иткән ерҙән һәр саҡ Рәхмәт хаттары ғына килә. Үҙҙәрен һалдат итеп хис иткән егеттәр төрлө ярышта көс һынашты, һуғыш алымдарына, сафта йөрөргә өйрәнде, ә киске усаҡ янында гитара моңо һәм күңелле йырҙар яңғыраны.