Әмилә Мырҙағәлина

Әсәйемә
Әсәйем ярата мине,
Мин яратам әсәйҙе.
Бик ҡәҙерле ул миңә,
Күңелемде иретә.

Тәмле аштар бешерә,
Бүләктәр бүләк итә.
Арҡамдан һөйөп ала,
Ҡосаҡлап үбеп ала.

Турғай
Бер көн шулай тыныс ҡына
Дәрес әҙерләп ултырам
Мирнең өҫтәл янында тәҙрә
Яҡтылыҡ төшә бер аҙ

Тыныс ҡына ултырғанда
Бер тауыш мин ишетәм
Туҡ-туҡ, тирә яҡта эҙләйем
Тағы, туҡ-туҡ, ишетәм

Тәҙрәлә күрәм турғайҙы
Һоро таныш ҡошсоҡто
Мин уға ҡарайым, ул миңә
Күҙҙәребеҙ осрашты

Тышта һыуыҡ, ҡыш уртаһы
Йәлләп киттем турғайҙы
Ииии, бәләкәс, өшөнөңмө?
Тәҙрә аша һүҙ ҡушам.

Шул саҡ мине аптыратып
Турғай килде теленә
Өшөмәйем, апай, тине
Асыҡтым ғына бер аҙ

Ишетеү менән шул һүҙҙе
Тороп йүгерҙем атайға
Тағараҡ кәрәк, атай, тим
Турғай һорай бит тамаҡ

Атай эшләне тағараҡ
Һә тигәнсе, бер аҙҙан
Алып сыҡтым ярма
Икмәк валсығы әҙерәк

Һалдыҡ уны тағараҡҡа
Элеп ҡуйҙыҡ ботаҡҡа
Турғай тәүҙә үҙе килде
Аҙаҡ тулды дуҫтары

Рәхмәт һиңә, тине миңә
Ә минең рәхмәт атайға!

Башҡорт теле
Яратам мин үҙ телемде,
Яғымлы башҡорт теле.
Һөйләшәмен үҙ телемдә,
Эй, татлы башҡорт теле.

Әсәйем өйрәткән тел ул,
Эй, изге башҡорт теле.
Донъяны танытҡан тел ул,
Эй, сабыр башҡорт теле.

Әмилә Мырҙағәлина, 9 йәш, 4-се лицейы уҡыусыһы