Фидан Монасипов

Тағы иҫтә
Һуғыш иҫкә төштө тағы,
Төшмәһә ине.
Әйтерһең, мин үҙем унда,
Һуғышта инем.
Янаны ут ҡурҡынысы
Минең күңелде.
Күптәр күтәрмәй аслыҡты,
Мәңгелек китте.
Һуғыш тағы иҫкә төштө
Ут –ялҡын менән.
Тыуған илдән алды көстө
Сыҡмаҫтар иҫтән.

Йәй
Оҙаҡлап көтөп алған
Йәмле йәй килеп етте.
Гөр килеп бала-сағалар
Йылға буйына китте.
Йәйгеһен беҙ ял итәбеҙ,
Күңел асып, бергәләп.
Ҡояш та сағыу иркәләй,
Һыу инәбеҙ күмәкләп.

Бына тағы көҙ килде,
Ағастар шәлен систе.
Ергә келәмен йәйеп,
Көҙ килде ҡолас йәйеп
Бына тағы көҙ килде,
Ябай түгел алтыны.
Ергә алтынын һипте,
Мул уңыш алып килде.
Һыуыҡ ямғыр ҡар ҡатыш
Йәлләмәйенсә яуҙы.
Был көҙҙән килгән һағыш
Ҡышҡа урын ҡалдырҙы.

Өләсәйем ауылда
Ауылдағы өләсәйем
Бик эшләргә ярата.
Бөтөрмәйсә бар эшен,
Йоҡламай ул таңғаса.
Иртә менән һыйыр һауа.
Уларҙы ҡырға ҡыуа.
Һарыҡтарын ул ярата,
Ярата һарыҡтар ҙа.
Йәйҙәрен мин уға барам,
Эшендә итәм ярҙам.
Ул да мине көтөп ала,
Өләсәйҙе яратам.

Башҡортостан - тыуған ерем
Башҡортостан – тыуған ерем,
Тәбиғәтең - гүзәл гөлөм.
Һин бит минең ғәзиз илем,
Имен үтә һиндә көнөм.
Бөйөк кешеләрҙең иле,
Данлы шәхестәрҙең иле.
Мәңге йәшә тыуған ерем,
Янамаһын һиңә үлем!

Фидан Монасипов, 10 класс.