Лилиә Вәлитова

#Һаҡмар_конкурстар Ҡәҙерле дуҫтар! Азамат Тажетдинов исемендәге конкурсты дауам итәбеҙ. Байым мәктәбе уҡытыусыһы Лилиә Ишбулды ҡыҙы Вәлитованың яңы ғына яҙылған шиғырҙарын сайтыбыҙға үтеп уҡығыҙ.

Лилиә Вәлитова

Көҙҙәр етте

Йәйҙе алмаштырып,
Көҙҙәр етте.
Беҙҙе алдаштырып,
Нурҙар һипте.
Йәй оҙаҡ булһасы,
Йәмле ерҙә.
Яратам йәйге көндө,
Айлы төндө,
Сәскәләрҙең еҫтәрен,
Ал төҫтәрен.
Көҙ килмәй торһасы,
Һағыш йөҙҙә.
Миҙгел алмаштырып,
Ғүмер үтә.
Йылдар атланышып,
Ваҡыт һүтә.
Үткәндәр бәғерҙе
Өтөп үтә.
Беҙ һүткән төргәкте
Балалар һүтә.
Ҡыуанып һәр көнгә,
Ғүмер итәйек.
Тормош миҙгеленә
Ғорур инәйек.

Ололарға

Ололар көнө менән
Тәбрикләйем барығыҙҙы.
Тәүфиҡ һирпеп гелән,
Тормош юлынан барығыҙ.
Балаларҙы хәстәрләп,
Йәшәйһегеҙҙер өлтөрәп.
Изгелек өләшәһегеҙ,
Иман нуры сәсәһегеҙ.
Ғорур алға атлағыҙ,
Артҡа ҡарап уфтанмағыҙ,
Хәсрәттәрҙе ташлағыҙ,
Бирешмәгеҙ, туҡталмағыҙ!