Венера Баһауетдинова

 Башҡортостан -- гүзәл ил!

                            * * *

Башҡортостан -- гүзәл ил!

Һоҡланғыс тәбиғәтле,

Йөҙҙән артыҡ милләтте

Үҙенә һыйҙырған ил!

Бөтә Рәсәй иленә -- 

Миҫал булған татыу ер!

Ғашиҡ булып илемә,

Халыҡтар тартылған ер!

Алтын, көмөш, баҡырға,

Һәммә аҫыл таштарға,

Төрлө яғыулыҡтарға,

Тау, ялан, урмандарға

Бай ил, ул -- Башҡортостан!

Кем һиңә һоҡланмаған?!

Быуаттар буйы, һаман,

Йырлай халыҡ, һиңә -- дан!

****

Һаҡла данлы ата-бабаларыбыҙ илен! 

                                *. *. *

Башкорт һаҡлап үҙ илен

Нисә быуат ҡан ҡойған!

Яҡлап, тыуған ер өсөн,

Күпме халҡым ҡырылған!

Батырҙарыбыҙ ҡаны

Изге тупраҡҡа һеңгән!

Еребеҙ сәскә атһын --

Киләсәк тора һинән!

Һаҡлайыҡ башҡорт телен --

Матур, әсәбеҙ телен!

Ата-бабалар илен!

Ожмахтай башҡорт ерен! 

****

Тыуған яҡ

Эй, тыуған ер! Эх, тыуған яҡ!

Донъялағы иң изге яҡ!

Үҙәккәйҙе өҙөлдөрөп,

Һәр саҡ үҙенә тартҡан яҡ...

Илде арҡылы-буй гиҙеп,

Сит донъяға хайран ҡалып,

Сикһеҙ Рәсәй киңлегендә

Күп сәфәр ҡылдым, һоҡланып.

Ят ерҙәр һоҡландырһа ла -- 

Йылындырманы күңелде!

Тик, гел һағынып йөрөлдө

Уйнап үҫкән үҙ яғымды!

Матур булһа ла сит-ят яҡ,

Юҡ, иретмәне йәнемде!

Башҡа ергә алыштырмам

Гүзәл Башҡортостанымды!

                  * * *

Венера Баһауетдинова.

Беренсе Төркмән ауылы.