Көнһылыу Сөләймәнова

Өмөттәр аҡланһын.

Яңы йылдан мөғжизә көтөп,
Күңелдәрҙе өтә бер теләк:
Ышаныслы булһын киләсәк,
Тыныс типһен беҙҙең йөрәктәр.

Яңы йылда һис тә берәүҙең
Түгелмәһен ҡайғы йәштәре.
Һары һағыштарға күмелеп,
Моңаймаһын әсә күңеле.

Һуғыш утынан ҡайтҡан уланын
Ҡыҫһын ҡосағына әсәкәйе.
Балаҡайы менән атаһына
Насип булһын күрешеү бәхете.

Бына шундай матур өмөттәр
Баҙлай һәр кемдең күңелендә.
Хыялдар ысынға әйләнһен
Яңы йылдың сихри төнөндә!

Көнһылыу Сөләймәнова. 

Икенсе Этҡол ауылы.