Миңзәлә Мырҙағәлина-Шәнгәрәева

💖Рәхмәтем сикһеҙ, Әсәй!💖

#Һаҡмар_конкурс

Беҙ әсәйебеҙгә-Шәнгәрәева-Мырҙагәлина Миңзәлә Дамир ҡыҙына- рәхмәт һүҙҙәребеҙҙе әйтәбеҙ!

Уҡытыусылар ғаиләһендә тәрбиәләнгәлер, бәләкәй саҡта уҡ яҙмышын мәктәп, балалар менән бәйләргә ҡарар итә. Мәктәпте яҡшы тамамлағандан һуң, Башҡорт Дәүләт университетына уҡырға инә. Студент йылдарында актив йәмәғәт эштәрендә ҡатнаша, группа старостаһы була. Ҡулына диплом алғас, тыуған Баймаҡ районына эшкә ҡайта. Тормошҡа сыға. Атайыбыҙ менән матур ғаилә ҡоралар. Бер-бер артлы өс балаға ғүмер бирәләр. Әсәйебеҙ хаҡлы ялға сыҡҡансы мәктәптә башҡорт телен һәм әҙәбиәтен уҡыта. Бөгөнгө көндә лә уҡыусыларының тоғро дуҫы, кәңәшсеһе булып ҡала.

Беҙгә,балаларына, матур тәрбиә биреп, һәр беребеҙҙе юғары белемле итеп, ҙур тормошҡа лайыҡлы итеп оҙатып, һаманда “Баларым!”-тип дәртләндереп, йән атып тороусы, һин, Әсәй!!! Беҙ һине яратабыҙ, һинең менән ғорурланабыҙ, ихтирам итәбеҙ! Атайыбыҙ менән бергә-бергә, иҫәнлектә,һаулыҡта йәшәргә лә йәшәргә яҙһын! Ейән-ейәнсәрҙәрегеҙгә яратҡан ҡартатай,ҡартәсәй-өләсәй булып ҡалығыҙ!!!

Байрам менән, Әсәй!

Ҡотлау менән балалары.