+1 °С
Ҡар
Әҙилә Мырҙағәлина.
Тыуған ер
Күп ваҡытта, нимә тыуған ер, тип,
Һорап ҡуя минән кешеләр.
Кескә генә йөрәгемдә минең
Тыуа ғәжәп итер бер хистәр.
Тыуған ер ул -- баҫып торған ерем,
Атай төҙөп биргән был өйөм.
Һәм һуҡмағым - урам юлға илтер,
Яҙмышымда башлар сәфәрем.
Төрлө ерҙә төрлө юлдар үтеп,
Мин ҡайтамын тыуған йортома.
Сөнки мине тартып тора ул гел,
Атай сыға минең ҡаршыма.
Тыуған ер ул атай-әсәйемдең
Туғандарымдың йәшәгән ере.
Ошо инде беҙ һаҡлар еребеҙ,
Кеше иткән бит ул гел беҙҙе.
Тыуған ер - эскән һыу, һулар һауа,
Көн дә имен атҡан таңдар ҙа.
Ошо ерҙе беҙгә батырҙар ҙа
Ҡалдырҙы аманат-һаҡларға.