ШӘКӘР ТАҠМАҠТАРЫ

#Һаҡмар_конкурс Ҡәҙерле дуҫтар! Беҙҙең https://vk.com/im?sel=89191126&w=wall-60402485_55431%2Fd256605face12b9bdd һылтанмаһындағы пост аҫтына яҙылған таҡмаҡтар менән ошолай айырым-айырым таныштырырға ҡарар иттек. Еңеүселәрҙе тауыш биреү ысулы менән һайлап аласаҡбыҙ. Әлегә Байым ауылынан Зөһрә Шәйәхмәтованың "Шәкәр таҡмаҡтары" менән таныша тороғоҙ. Алма бирһәң, алырмын,Алҡа бирһәң, тағырмын.Тоҡ - тоҡ шәкәрең ултырһа,Бисәлеккә барырмын.Хаҡ биргеһеҙ һөйгәнем бар,Исеме Зәкәриә.Элек Зәкәриә ине,Бөгөндән - Шәкәриә.

ШӘКӘР ТАҠМАҠТАРЫ

Алма бирһәң, алырмын,
Алҡа бирһәң, тағырмын.
Тоҡ - тоҡ шәкәрең ултырһа,
Бисәлеккә барырмын.

Хаҡ биргеһеҙ һөйгәнем бар,
Исеме Зәкәриә.
Элек Зәкәриә ине,
Бөгөндән - Шәкәриә.

Алмалары үҫер әле,
Бер тулып бешер әле.
Күтәрелгән хаҡтары ла
Бер ҡолап төшөр әле!

Их - ма, әйт шуны,
Шәкәр һалдыҡ сәйҙәргә!
Кишер сәйнәп ултырмағыҙ,
Сәйәсәт бар сәйнәргә.

Тоҡлап - тоҡлап шәкәр алып,
Һәр кем запаҫ йыялмаҫ.
Үтеп барған был ғүмергә
Тоҡ баррикад булалмаҫ.

Шәкәрҙәре шикәр, тиеп,
Кәнфит ашамам инде.
Кеше йәре сибәр, тиеп,
Һине ташламам инде.

Иртән тороп, һыйыр һауҙым,
Ҡартым атын тышаны.
Шәкәр тоғо беҙҙәрҙә юҡ,
Таҡмаҡ тоғом бушаны.