Санаңды йәй әҙерлә

Башҡортостанда ағымдағы йылытыу миҙгеле тамамланыу менән сираттағыһына әҙерлек эштәре башланды. Атап әйткәндә, торлаҡ-коммуналь хужалыҡтағы барлыҡ сараларҙы атҡарып сығыу өсөн 1 миллиард һум бүленә.

Дәүләт ярҙамы көрсөккә ҡаршы саралар планында күрһәтелгән. Иҡтисади үҫеш һәм инвестиция сәйәсәте министрлығынан хәбәр итеүҙәренсә, күп ҡатлы йорттарҙағы фатирҙарҙы автономлы йылытыу ҡаҙанлығына күсереү өсөн 460 миллион һум йүнәлтеләсәк. Подъездарҙы, йәмәғәт биләмәләрен санитар эшкәртеү, шулай уҡ ҡышҡы йылытыу миҙгеленә әҙерлек өсөн дә аҡса бүленә.