Пеня иҫәпләнмәйәсәк

Короновирусҡа бәйле ялдар ваҡытында торлаҡ-коммуналь хеҙмәттәр өсөн түләүҙәр тотҡарланған осраҡта, пенялар иҫәпләнмәйәсәк. БР Хөкүмәтенең оператив кәңәшмәһендә республика Башлығы Радий Хәбиров шундай тәҡдим менән сығыш яһаны. Ул коммуналь ойошмаларға кешеләрҙең хәлен аңлап ҡабул итергә ҡушты.

Торлаҡ-коммуналь хужалыҡ министрлығына ялдарҙан һуң уңайлыҡтар менән тәьмин итеүсе хужалыҡтар менән хеҙмәттәр өсөн иҫәпләүҙе яңынан башҡарырға ҡушылды. Беренсе вице-премьер Андрей Назаровтың белдереүенсә, әле республикала граждандарға коммуналь-хеҙмәттәр өсөн алдан түләргә, тигән иҫкәрмәләр ебәреү осраҡтары бар.

#национальныепроекты