Халыҡ бер тәүлектә 18 миллион һумдан ашыу аҡсаһын урлаттырған

Бер ҡатын үҙҙәрен почта, унан банк хеҙмәткәре тип таныштырған аферистарға ышанып, 600 мең һумдан ашыу аҡсаһын юғалтҡан. Бындай хәл һәр кем меән булыуы ихтимал. Шуға күрә телефондағы ят һандарҙы алмағыҙ. Еңел аҡса эшләү юлы тәҡдим итһәләр ҙә, ышанмағыҙ. Әгәр өйҙә ултырып ҡына, ҙур суммала аҡса алып булһа, моғайын, күптәр эшкә йөрөмәй, өйҙә генә ятыр ине. Шулай бит?

БР буйынса Эске эштәр министрлығы мәғлүмәттәре буйынса, Өфөнән пенсионер ҡатын элекке эш биреүсенең етәкселеге булып алдаған аферистарға ышанған. Ул енәйәтселәргә ышанып, 3 миллион һумға яҡын аҡсаһын юғалтҡан. Уға финансланған ойошмаларҙы тикшереү тураһында һөйләйҙәр һәм ҙур сумманы күсерергә мәжбүр итәләр.

Өфөнән йәш ир 1,5 миллион һумға яҡын аҡса юғалтҡан.Ул үҙҙәрен медицина хеҙмәттәре һәм Үҙәк банк вәкилдәре тип танытҡан мутлашыусыларға ышанған.

Урта йәштәге ҡатын инвестиция буйынса белгес тәҡдим иткән онлайн-платформаларҙың инвестиция схемаларына ла шундай уҡ сумма һалған.

Туймазы районында йәшәүсе ҡатын үҙҙәрен почта һәм банк хеҙмәткәре тип таныштырған аферистирға ышанып, 600 мең һумдан ашыу аҡсаһын юғалтҡан.

Ведомство төбәк халҡын таныш булмаған кешеләрҙән килгән шылтыратыуҙарҙа һәм хәбәрҙәрҙә юғары һаҡлыҡ күрһәтергә, шикле ҡушымталар ҡуйыуҙан һәм аҡсаны таныш булмаған иҫәптәргә күсереүҙән ҡасырға саҡыра.

Автор: Гузель Салихова

Читайте нас