Профилактик операция башланды

Республиканың баш дәүләт инспекторы Владимир Севастьянов үҙенең Телеграм каналында бөгөн "Встречная полоса" тип аталған махсус профилактик операция башланыуы тураһында хәбәр итте:

- Сара водителдәр ҡаршы полосаға сығып, авариялар булдырмаһын өсөн үткәрелә. Быйыл 7 ай эсендә ошо ҡағиҙәне боҙған өсөн 93 юл-транспорт хәл-ваҡиғаһы булған. Унда 33 кеше һәләк булған, 154 төрлө кимәлдәге тән йәрәхәттәре алған. 

7 ай эсендә ЮХХДИ хеҙмәткәрҙәре 8 меңдән ашыу ошондай хоҡуҡ боҙоуҙы иҫкәртте. Был юл ҡағиҙәһен боҙған өсөн штраф йәки 4 айҙан 6 айға тиклем водитель таныҡлығынан мәхрүм итеү ҡаралған. Әгәр водитель ҡабаттан ошо уҡ хоҡуҡ боҙоуҙы ҡабатлаһа, "праванан" 1 йылға мәхрүм ителә. 

Операция барышында инспекторҙар водителдәр менән аңлатыу эштәре лә алып бара. сөнки ярамаған урында ҡаршы полосаға сығыу, ҙур тиҙлектә барыу юл фажиғәләрен арттыра.