Ике ҡарағай өсөн...

Ишбирҙе ауылынан 32 йәшлек ир ике ҡырҡылған ағас өсөн енәйәт эше фигуранты булды. Рөхсәт ҡағыҙы булмаһа ла, ир урманға юлланған, ике ағасты бысып бөткән, ләкин өйөнә алып ҡайтып өлгөрмәгән. Эске эштәр министрлығы һәм район хакимиәте хеҙмәткәрҙәре уны «Шыршы» операцияһы сиктәрендәге рейд барышында күреп ҡалған. Енәйәтсе ҡулға алынған. Полиция бүлегендә ул ҡырҡылған ҡарағайҙы хужалыҡта артабан файҙаланыу өсөн ҡырҡып алыуын таный. Ир үҙенең ихатаһында төҙөлөш менән шөғөлләнергә теләгән.

«Ир үҙенең законһыҙ эш итеүе менән урман фондына 70 мең һум күләмендә зыян килтергән. Әлеге ваҡытта ғәйепләнеүсегә ҡарата енәйәт эше ҡуҙғатылған», - тип хәбәр иттеләр Башҡортостан буйынса Эске эштәр министрлығының матбуғат хеҙмәтенән.

фото: Башҡортостан буйынса Эске эштәр министрлығының матбуғат хеҙмәте.:b6ba56c9db9008359567d01d7b02b471