Балыҡсы батып үлгән

Баймаҡ ҡалаһы һәм районы буйынса эске эштәр бүлегенең дежур-диспетчер хеҙмәтенән алынған мәғлүмәттәр буйынса, һуңғы көндәрҙә районда 153 хәл-ваҡиға булған, шуның 6-һы криминаль характерға эйә. 6 кеше төрлө тән йәрәхәттәре алған, 7 урлыҡ, суицид, наркотик матдә тартып алынған осраҡтар теркәлгән. “Һаҡмар” һыуһаҡлағысында балыҡ ҡармаҡлаған ир кеше батып үлгән. Водитель таныҡлығы эшләп бирергә вәғәҙә иткән мутлашыусы тотолған. Юл-транспорт ваҡиғаһында бер кешенең ғүмере өҙөлгән. Мәскәү ҡалаһына эшкә, тип сығып киткән кеше хәбәрһеҙ юғалған.

Фото асыҡ сығанаҡтан алынды.