КҮПТӘР ҠУРҠҠАН НИМӘ БАШЛАНДЫ

Башҡортостанда йәмәғәт транспорттарында битлек режимын тикшереүҙе тергеҙҙеләр. Кисә, 29 июндә, рейд ваҡытында, битлек кейеп йөрөү мотлаҡ икнәлеген, халыҡҡа иҫкәрттеләр. 

Төбәктә, битлек режимын үтәмәүселәр өсөн, штраф санкциялары эшләп килә. Беренсе тапҡыр эләккән граждандар өсөн штраф - 1 меңдән 3 мең һумға тиклем, ҡабат эләгеүселәргә 3 меңдән 5 меңгә тиклем тәшкил итә. Вазифалы кешеләр өсөн тәүге штрафтың суммаһы - 5 меңдән 15 меңгә тиклем, икенсе тапҡыр эләкһәләр 15 меңдән 30 мең һумға барып етә. Юридик шәхестәргә тәүге эләгеү өсөн - 50 меңдән 100 мең һум булһа, ҡабатлап эләгеү өсөн 100 меңдән 200 меңгә тиклем штраф яҙыла.

БР юл хужалығы һәм транспорт министрлығы хәбәр итеүенсә, битлек режимын тикшереүҙәр дауам итәсәк.

Сығанаҡ: https://vk.com/away.php?to=http%3A%2F%2Fxn--80aahhclsg3atvg6k.xn--p1ai