Ярҙамға ашыҡҡан фельдшер һәләк булған

Бөгөн төндә Ҡалтасы районында юл-транспорт ваҡиғаһы теркәлгән. Республиканың дәүләт автоинспекцияһынан хәбәр итеүҙәренсә, Иҫке Ҡалтасы - Краснохолмский юлының беренсе километрында "Ашығыс ярҙам" машинаһы идара итеүҙе юғалта һәм юлдан оса.Һөҙөмтәлә, 60 йәшлек водитель төрлө тән йәрәхәттәре ала. Ә инде пассажиры -"Ашығыс ярҙам" фельдшеры, 42 йәшлек ҡатындың ваҡиға урынында ғүмере өҙөлә. Әлеге ваҡытта был осраҡ буйынса тикшереү бара.

Фото: "Башинформ"