Имтиханды бирә алмағас...

Әбйәлил районында 9-сы класты тамамлаған бер ҡыҙ имтихан һөҙөмтәһен белгәндән һуң, үҙ-үҙен юҡ иткән...

Mkset нәшриәтенән хәбәр итеүҙәренсә, уҡыусы ҡыҙ бала 9-сы класты тамамлағандан һуң колледжға уҡырға инергә уйлаған. Ләкин математиканы ике тапҡыр биреп тә, яҡшы билдәгә өлгәшә алмаған.

Быға ҡәҙәр Өфөлә лә шундай уҡ хәл булғайны. 18 йәшлек бер егет берҙәм дәүләт имтиханын биргәндән һуң юғаған. Һуңынан уны кәүҙәһе табылыуы хаҡында хәбәр иткәйнеләр. Үлер алдынан уның яҙып ҡалдырған хатын тапҡандар.

Ниндәй генә билдә алыуына ҡарамай, балаларыбыҙҙы әрләмәйек. Беҙгә билдәләре түгел, ә үҙҙәре ҡәҙерлерәк икәнен аңлатайыҡ.