Урланған атҡа...

Ағымдағы йылдың май айында Аҡтау ауылындағы бер хужалыҡта ике ат юғала. Ул шунда уҡ полицияға мөрәжәғәт итә. Ҡараҡтың эҙенә тиҙ төшәләр. Ул райондың 38 йәшлек кешеһе булып сыға. Тәү мәғлүмәттәр буйынса йылҡы көтөүенә ситтән ике ат килеп ҡушыла. Уларҙың тавро-билдәһе булмауын енәйәтсе шунда уҡ күрә. Һәм уның башына шәп уй килә - уларға һөйгәненең исеменең баш хәрефен көйҙөрөп яҙырға. Шулай эшләп тә ҡуя. Ләкин полиция хеҙмәткәрҙәре енәйәтте тиҙ арала асыуға өлгәшә. Аттар хужаһына ҡайтарылған. Ә енәйәтсе күҙәтеү өҫтөнә алынған - сығып китергә тейеш түгел.