Тағы ла фажиғә...

Кисә кис Федоровка районының Михайловка – Бала Сытырман автомобиль юлында ВАЗ-2115 автомобиле юлдан оса һәм түңкәрелә. Рулдә 28 йәшлек Салауат ҡалаһы кешеһе булғаны билдәле. Яҡынса мәғлүмәттәр буйынса, ул машинаға идараны юғалтҡан.

Автомобилдә шулай уҡ 25 йәшлек ҡатыны һәм дүрт бала ултырған. Балаларға бер, дүрт, туғыҙ һәм 11 йәш. Авария һөҙөмтәһендә бар пассажирҙар дауаханаға оҙатылған. Өс бала реанимацияла, уларҙың баш мейеһе йәрәхәтләнгән.

Асыҡланыуынса, ир менән ҡатын үҙҙәренең ике балаһы һәм ике туғандары менән күрше ауылға магазинға киткән. Шуныһы, ирҙең водитель таныҡлығы булмаған. Әле был авария буйынса тикшереү башланған.

Фото: Баш ЮХХДИ