Ҡыуанысыбыҙ оҙаҡҡа барманы

Мәғлүм булыуынса, Бөйөк Еңеү уңайы менән ҡаланың "Еңеү" паркына танк урынлаштырылғайны. Беҙҙең

өсөн ҙур ҡыуаныс булды ул. Ләкин оҙаҡҡа булманы һөйөнөсөбөҙ. Кисә төнөн танктың алырлыҡ бөтә тимерҙәрен ысҡындырып алып киткәндәр! Вандализм! Шуның менән баймаҡтарҙың шатлығын урланылар, Бөйөк Еңеү өсөн баштарын һалған яугирҙәребеҙгә мыҫҡыллап ҡарағандар.

Әлеге ваҡытта был енәйәт эше менән полиция шөғөлләнә. Видеояҙма ҡарала, бармаҡ эҙҙәре алына. Кемдәр был енәйәт эшен башҡарыусыларҙы белә, полицияға мөрәжәғәт итеүегеҙ һорала. Анонимлыҡ һаҡлана.