Бесәйҙе тапатмайым тип...

Бесәйҙе тапатмайым, тип ҙур бәләгә дусар булған. Ҡот осҡос был фажиғә Тула өлкәһенең Киров районында теркәлгән. ЮХХДИ-нан хәбәр итеүҙәренсә, 23 йәшлек ҡыҙ "Renault" машинаһы менән идара иткәндә, юлына ҡапыл бесәй килеп сыҡҡан. Уны тапатмаҫ өсөн водитель рулде ҡапыл икенсе яҡҡа борған һәм... машина күҙ асып йомғансы ситкә әйләнеп барып төшкән. Ҡыҙғанысҡа ҡаршы, был юл-транспорт ваҡиғаһында бесәйҙән тыш, бер йәшлек баланың да ғүмере өҙөлгән. 42 йәшлек пассажир ҡатын-ҡыҙ әлеге ваҡытта дауаханала ята.