Шайтандарҙы ҡыуам тип

...өйөнә ут төртә.

Добавить в предпочтительные источники Google

...өйөнә ут төртә.
Шәмбе көнө Өфө ҡалаһының Киров районындағы бер ҡатлы йортта янғын сыға. Сигнал алыу менән килеп еткән янғын һүндереүселәр, утты һүндерә. Ләкин тиҙ арала йорт тулыһынса янып бөтә. Тәүге мәғлү мәттәр буйынса, йортҡа утты 33 йәшлек ир төртә. Уның йыш ҡына спиртлы эсемлектәр ҡулланыуы асыҡланған.
Уның күршеләре һөйләүенсә, был көндө лә ир арыу ғына эскән булған. Шунлыҡтан уның күҙенә шайтандар күренә башлаған. Үҙен экзорцист (шайтандарҙы ҡыуыусы) тип иҫәпләп, ир саҡырылмаған ҡунаҡтарҙы өйөнән ҡыуып сығарырға ҡарар итә. Шул сәбәпле өй ҡыйығына менә һәм йола үткәрергә уйлай. Ләкин уның урынына йортона ут төртә.
Хоҡуҡ һаҡсылары тәүҙә ирҙе эске эштәр бүлегенә һуңынан уны психиатрия бригадаһына тапшыра.

Фото: "Башинформ"дан.

Читайте нас