Автобус түңкәрелгән

Силәбе өлкәһендә Өфө ҡалаһынан Ҡуҫа ҡалаһындағы“Евразия” тау-саңғы комплексына китеп барған автобус түңкәрелгән, тип хәбәр итә Znak.com баҫмаһы.

Билдәле булыуынса, Higer автобусы салонында 35 турист булған, барыһы ла Башҡортостандан. Бәхеткә күрә, уларҙың бөтәһе лә иҫән-һау. Кешеләрҙе башҡа автобусҡа күсереп ултыртып, ял үҙәгенә илткәндәр.

Юл ваҡиғаһы урынында бөтә ашығыс хеҙмәттәр эшләгән, аварияның сәбәптәре асыҡлана. Водителдәргә хәйерле юл теләйбеҙ! Юл хәрәкәте ҡағиҙәләрен теүәл үтәргә һәм уяу булырға саҡырабыҙ.

Фото:Smartik.ru