Баймаҡта ике ҡыҙ юғалған

Баймаҡ районы буйынса эске эштәр бүлегенең дежур хеҙмәтенән хәбәр итеүҙәренсә, уҙған аҙнала 135 хәл-ваҡиға теркәлгән, шуларҙың 11-е криминаль характерға эйә. Урлыҡ (3), ялған мәғлүмәт биреү, машина урлау осраҡтары бар. “Бәйләнештә” социаль селтәре аша, берәү үҙен туғаны тип танытып, аҡса урлаған. Йәнйегет һәм Татлыбай ауылдары араһында мал һөйәктәре табылған. Ә бына Ҡаратал менән Һәмәндә тағы ла мал юғалған. Ҡуянтауҙа 45-50 йәшлек ҡатын-ҡыҙҙың мәйете табылған. Уҙған аҙнала 2 ҡыҙ юғалған.

ЮХХДИ инспекторҙары тарафынан юл хәрәкәте ҡағиҙәһен боҙған 168 осраҡ теркәлгән. Иҫерек килеш руль артына ултырған 10 водитель тотолған. Бер аҙнала 8 юл-транспорт ваҡиғаһы булған.