Машинаһыҙ ҡаласаҡһың...

Машинаһыҙ ҡаласаҡһың...

әгәр эсеп рулгә ултырһаң

Иҫерек водителдәргә ҡарата талаптарҙы ҡәтғиләшә. Уларҙың ғәйептәре раҫланған осраҡта,

машинаһыҙ ҡалыу ҡурҡынысы бар. Рәсәй Федерацияһы Эске эштәр министрлығы «Административ хоҡуҡ боҙоуҙар тураһында»ғы кодексҡа ошо тәңгәлдә үҙгәрештәр индерергә тәҡдим итә. Ул - иҫерек килеш рулгә ултырған водителдәргә язаны көсәйтеүгә ҡағыла. «Россия 1» телеканалында ведомство башлығы Владимир Колокольцев шулай тип белдерҙе. Әгәр иҫерек килеш ҡабаттан руль артына ултырған икән, машинаны тартып аласаҡтар.

Аҙна һайын эске эштәр бүлегенең дежур-диспетчер хеҙмәтенән алынған мәғлүмәттәргә ҡарап, ғәжәп ҡалаһың, 7 көндә 10-лаған водитель "эләгеп" тора! Уларҙы ҙур суммалағы штрафтар ҙа ҡурҡытмай, бәлки, йәйәү йөрөй башлаһалар, хәл яҡшы яҡҡа үҙгәрер?

Фото интернеттан алынды.