Бер аҙнала Баймаҡ юлында ике кешенең ғүмере өҙөлгән

Баймаҡ районы буйынса эске эштәр бүлегенең дежур хеҙмәтенән хәбәр итеүҙәренсә, уҙған аҙнала 122 хәл-ваҡиға теркәлгән, шуларҙың 8-ҙе криминаль характерға эйә. Аҡморон ауылында суицид теркәлгән – 1971 йылғы ир кеше үҙ-үҙенә ҡул һалған.

ЮХХДИ инспекторҙары тарафынан юл хәрәкәте ҡағиҙәһен боҙған 167 осраҡ теркәлгән. Иҫерек килеш руль артына ултырған 9 водитель тотолған. Бер аҙнала 9 юл-транспорт ваҡиғаһы булған. Уларҙың икәүһендә 2 кешенең ғүмере өҙөлгән. Темәс эргәһендә “ҡыуырға” яратҡан водитель ҡаршы килгән машинаға барып төкөй һәм ваҡиға урынында һәләк була. Баймаҡ – Сибай юлында бер ир кешене машина төкөй, һөҙөмтәлә ул ваҡиға урынында һәләк булған.