Тауышланмағыҙ!

Башҡортостан Республикаһы Башлығы Радий Хәбиров республика биләмәһендә “тынлыҡ сәғәте” урынлаштырыу тураһындағы законға ҡул ҡуйҙы. Быға тиклем был ҡануниәт талабын Дәүләт Йыйылышы – Ҡоролтай депутаттары ҡабул иткәйне. Шулай итеп күп фатирлы йорттарҙа көндөҙгө сәғәт берҙән өскә тиклем тауышланырға ярамай.

Йәғни, ремонт менән булышырға, ҡысҡыртып музыка тыңлау тыйыла. Законды һанға һуҡмаусыларға штраф һалына. Закон 3 октябрҙән үҙ көсөнә инә. Ул ярты йыл дауамында яңы файҙаланыуға тапшырылған йорттарҙа йәшәүселәргә ҡағылмай.