Илгизде ҡоллоҡта тотҡандар

Илгиз ҡоллоҡта булған

23 йәшлек Баймаҡ егете Илгиз Ҡунаҡҡужинды 29 августан алып уның ғаиләһе эҙләй ине. Был хаҡта интернет селтәрендә лә ярҙам һорап мөрәжәғәт иттеләр. Өйөнән яҡынса 200 километр алыҫлыҡта булған Силәбе өлкәһендә уны ҡоллоҡта тотҡандар, тип хәбәр итә ГорОбзор.ру үҙенең каналында.

Илгиз Ҡунаҡҡужинды эш менән тәьмин итәбеҙ, тип белдереп, үҙҙәренә алып ҡайтып киткәндәр. “Һарайҙа тотҡандар. Ҡушылған эште бөтмәйенсә, ҡайтармайбыҙ, тип белдергәндәр. Улар ҡайҙандыр ситтән килгән кешеләр. Эш эҙләүселәрҙе үҙҙәренә шулай йәлеп итеп, ҡоллоҡта тоталар икән. Илгизде табыуҙа ярҙам күрһәтеүселәрҙең барыһына ла ҙур рәхмәтебеҙҙе белдерәбеҙ”, - тип хәбәр итә уның яҡындары.

Илгиз Ҡунаҡҡужинды полиция хеҙмәткәрҙәре тапҡан. Ул хәҙер өйөндә. Бер ҡурҡыныс та янамай.

Сығанаҡ: https://gorobzor.ru/novosti/obschestvo/47361-on-byl-v-rabstve-blizkie-23-letnego-ilgiza-kunakhuzhina-iz-bashkirii-soobschili-kak-ego-nashli