Юлдарҙа кеше ғүмере өҙөлә

Уҙған аҙнала Баймаҡ үҙәк ҡала дауаханаһының “Ашығыс ярҙам” хеҙмәте 407 саҡырыу алған. 31 бәхетһеҙ осраҡ теркәлгән. Бер аҙнала 7 вафат булған. Ике кеше һыуға батҡан. Ҡыҙғанысҡа ҡаршы, уларҙың береһе һәләк булған. 6 юл-транспорт ваҡиғаһында 6 кеше төрлө тән йәрәхәттәре алған, бер кешенең ғүмере өҙөлгән.

Һауа торошоноң эҫе тороуы арҡаһында халыҡ һыу ятҡылыҡтарына ағыла. Һыу ингәндә үҙегеҙҙең генә түгел, балаларығыҙҙың да һаулығы һәм ғүмере өсөн яуаплы икәнегеҙҙе онотмағыҙ. Бөтә һаҡланыу сараларын теүәл үтәгеҙ!